जनता भाजी बाजार येथील दुकानदारांना प्रशासनाने ठरवून दिलेल्या वेळेमध्ये भाजी व फळ विक्री करण्याास मुभा.

अकोला दि. 20 एप्रील 2021 – कोरोना विषाणूचा प्रादुर्भावावर आळा घालण्याच्या दृष्टीने प्रशासनाने अकोला शहरातील जनता भाजीबाजार संदर्भात दि. 16/4/2021 रोजी मनपा प्रशासनाने आदेश निर्गमित केले होते. जनता भाजी बाजार सदंर्भात मा.जिल्हाधिकारी यांचे कार्यालयामध्ये दि. 20/4/2021 रोजी सायंकाळी 5  वाजता झालेल्या आढावा बैठकीच्‍या  अनुषंगाने या आदेशामध्ये अंशतः बदल करण्यात आला आहे. त्या अनुषंगाने मनपा आयुक्‍त नीमा अरोरा यांनी, खालील प्रमाणे आदेश दिले आहे.

0 सदर आदेश हा दिनांक  21 एप्रिल 2021 रोजीचे सकाळी 11 वाजता पासून पुढील आदेशापर्यंत जनता भाजी बाजार व ईतर ठिकाणी भाजी व फळ विक्री करणा-या किरकोळ व्‍यावसायिकांकरिता लागू होत आहे. 0 ज्यांची जनता बाजार येथे किरकोळ भाजीपाला व फळ व्यवसायाची दुकाने आहेत त्यांनाच भाजीपाला व फळ विक्री करण्यास मुभा राहील. या व्‍यतिरिक्‍त जनता भाजी बाजार येथे रस्‍त्‍यावर व दुकानाच्‍या समोर खाली बसून व्‍यावसाय करणा-या कोणत्‍याही किरकोळ भाजीपाला व फळ विक्री करण्‍या-याला या ठिकाणी व्‍यवसाय करता येणार नाही.  0 सदरची संपुर्ण बाजारपेठ हि सकाळी 7 ते सकाळी 11 वाजे पर्यंतच सुरु ठेवण्‍याची मुभा राहील मात्र प्रशासननाने ठरवून दिलेल्‍या  विहीत वेळेनंतर कोणत्‍याही प्रकारचा व्‍यवसाय करणे अनुज्ञेय राहणार नाही. 0 भाजीपाला व फळ हर्रासी करण्याकरिता महात्मा फुले भाजी बाजार - वाशिम रोड व सावित्रीबाई ज्योतीबा फुले भाजी बाजार - लोणी रोड या ठिकाणी व्यवसाय करण्यास मुभा राहील. 0 महात्मा फुले भाजी बाजार - वाशिम रोड व सावित्रीबाई ज्योतीबा फुले भाजी बाजार - लोणी रोड या ठिकाणी घाऊक व्यवसाय करण्यारिता आवश्यक व्यवस्था असल्यामुळे पर्यायी जागा म्हणुन जनता भाजी बाजाराचा यापुढे हर्रासीकरिता वापर करता येणार नाही. 0 जनता भाजीबाजार, जुना भाजी बाजार, जैन मंदिर रोड, ओपन थियेटर ते फतेह अली चौक येथे किरकोळ भाजीपाला विक्री करणारे व्यवसायीक यांची भाटे क्लब प्रांगण येथे व्यवसाय करण्याची व्यवस्था करण्यात आली आहे. 0 किरकोळ भाजीपाला/फळ विक्री करीता व्यवसायीक यांना परवानगी दिलेल्या जागेत कोरोना नियमांचे पालन करुन आपला व्यवसाय करावा. दिलेल्या जागे व्यतिरिक्त इतर ठिकाणी प्रतिबंधीत क्षेत्रामध्ये व्यवसाय करीत असल्याचे आढळून आल्यास प्रशासनाकडून कोराना नियमांचे उल्लंघण करीत असल्याचे गृहित धरुन कठोर कारवाई करण्यात येईल. 0 जनता भाजी बाजार येथे किराणा व जिवनावश्यक वस्तुंच्‍या  विक्रींच्‍या व्यवसायास विहित कालावधी करिता व्यवसाय करण्याची मुभा राहील. 0 उपरोक्त व्यवसाय धारकांना व्यवसाय करतांना सोशल डिस्टसिंग नियमाचे पालन करणे तसेच मास्कचा वापर करणे बंधनकारक राहील.

सदरचे आदेश हे दिनांक 21 एप्रिल 2021 रोजीचे सकाळी 11 वाजता पासून लागू होतील. तसेच सदर आदेशाची अंमलबजावणी न करणा-या व्‍यावसायिकांविरुध्‍द महाराष्‍ट्र महानगरपालिका अधिनियम व साथरोग प्रतिबंधात्‍मक कायदा 2005 अन्‍वये कारवाई करण्‍यात येणार तरी व्‍यावसायिकांनी याची नोंद घेउन महानगरपालिका प्रशासनास सहकार्य करावे.

अकोला महानगरात कोरोना विषाणूचा वाढत असलेला प्रादुर्भाव लक्षात घेता शहरातील नागरिकांनी सोशल डिस्‍टसींग नियमाचे काटेकोरपणे पालन करणे तसेच चेह-यावर मास्‍क आणि सॅनीटायरझरचे वापर करून तसेच प्रशासनाव्‍दारे वेळोवेळी दिलेल्‍या सुचनांचे पालन करून कोरोनाला आळा घालण्‍यासाठी सहकार्य करण्‍याचे मनपा प्रशासनाव्‍दारे आवाहन करण्‍यात आले आहे.